آهااااااااا .. آسفة كتير بس أنو أنا بالرياضة شطب عليي تماماً ..ومتاخدة كتير بأفلام الكرتون

ماعلينا .. علم

دخلك بس ماعرفت منقوشة بزعتر ولا بجبنة!

أهلا فيكي ندوشتي .. أي بدي شي في حدا عم يتجسس على أحاديثنا النسائية، يعني ديريلي بالك عليه الله يخليكي

مزبوط متل ما قلتي، أنو دايماً الرجل مكبوت من ناحية التعبير عن تعبه ومشاعره ، تماماً متل ما المرأة مكبوتة بغير قصص

يعني هاد معنف وهداك معنف .. والله يعين الكل

——————————
*علوش:

انظر للأعلى بكم سطر

يا حبيبي، انا شايف عم تصير أحلاف نسائية هون …

مازال الغموض يحيط بتلك المواضيع التي تتعلق بالرجل والمرأة وعلاقة كل منهما بالآخر
ولكن ما أعرفه جيداً أن كلاهما إنسان بقلب وأحاسيس ومشاعر
ولكن دائماً يُطالب الرجل بتحمل المسؤولية والأعباء وقسوة الحياة فلا يظهراً مللاً أو تذمراً أو حتى تعباً لأنه بذلك يشير إلى (ضعف) بشكل ما
ولكن هو (إنسان) كما تتأثر المرأة نفسياً بالعنف أو بقسوة الحياة هو كذلك يتأثر ولكن الفرق أن المرأة تستطيع البوح وسيتعاطف معها الجميع ولكن هو كـ (رجل) مجرد شكواة عيبه في حقه…
وهذا هو العنف الكبت النفسي الحقيقي
والله مساكين الرجال

لأ مو متخلف بس دقة قديمة شوي … (عم نمزح لا تصدق)..

المهم عنجد لأ مو متخلف، فهمت عليك شو قصدك .. قصدك أنو المرأة بتحب الرجل يلي بيحسسها بالأمان ويمكن تحس إذا كانت عم تساعد زوجها أنو مالها متزوجة يلي مأمنلها هاد الشي .. بس الأوضاع الاقتصادية بالبلد صفيانة شي للجنان ومافي شاب -بدون مساعدة أهلو- ممكن يكون عندو بأول عمرو كلشي جاهز بأحسنو .. فما فيها شي إذا زوجته ساعدته حسب مابتقدر، وبالنهاية ما رح يكون في فرق بيناتهن إذا قلبهن على بعض ..

سلامتك من الكسرات والانكسارات

———————————————

* مسعود حمود:

قصدك متل ماحكيت فوق أنو صايرة علاقاتنا تفشيش ببعضنا الرجل بيتفشش بالمرأة والمرأة بتتفشش بالرجل والرجال بيتفششوا بعضهن والنسوان بيتفششوا ببعض وكأنوا صفيانة علاقاتنا قائمة ع التفشيش وكأنوا منكره بعض!

مابعرف ليش صايرين ما حدا عم يطول بالوه على حدا ولا حدا بدوه يفهم حدا ولا حدا بدو يحب حدا أو يخلي حدا يحبوه..

———————————————-

* تويتي:

يا حرامو أنتو (رح تبكيني)، بتعرف شو بيصير .. أنو الأب بيطلع على وضعوه الحالي وبيقول ع القليلة تعيش متل مو عايشة عندي، وبينسى أنو هو ألو شي 30 سنة عم ينحت بالصخر ومستحيل شب ببداية الطريق يكون متلو هلأ

———————————————

* وسيم:

أول شي أهلا وسهلا فيك هون، انشا الله تكون أول الطريق لأنو عنجد صايرة الأوضاع عم تتعقد..

والله يعين الجميع الرجال والنساء ..

على فكرة حاولت فوت على مدونتك بس للأسف ما قدرت والسبب هو أنو مدونات سبوت محجوبة حالياً بسوريا!

———————————————

* مهند:

يمكن الدور الأزلي يلي عم تحكي عليه هو بس بأول طريقة لتعنيف الرجل المطروحة بهي التدوينة، أنو مطلوب منو يوفر كلشي .. صح هاد كان من زمان لما كان الخير كتير والناس قليلة بس هلأ إذا ما طولوا الناس بالهن على بعضهن مارح يمشي الحال ..
أما بالنسبة للباقي ما بتصور أنو كانوا موجودين من زمان!